Chiesa koh theih a ni lo - Gattuso

Italy coach Gennaro Gattuso chuan ram tana khel turin Gennaro Gattuso chu koh thei a ni lo tih a sawi a, an koh theih loh chhan chu Liverpool forward hian Azzurri tana inlan duhna a neih rih loh vang a ni.

Football ram ropui ni mah se World Cup hnuhnung pahnihah Italy hi an inlan phak lo - World Cup 2026 qualifier match khelh hmabak pahnih an la nei a, tun kar tawp hian Moldova an tum dawn, chumi hnuah Norway an tum leh ang.

Gattuso chuan, "Chiesa nen kan inbe fo a, kan duhdan leh harsatna neihte kan sawi duh bawk, tunah chuan ram tana inlan tura koh theih a ni lo, a bak chu mipui hriat tura sawi chhuah kher a ṭul lem lo," tiin a sawi.

Europe aṭanga World Cup qualifier group I-ah Italy hi pahnih an ni mek a, an chunga awm Norway chuan point 18 hmuin hma an hruai mek - Italy hian point thumin an phak lo mek, an hmabak match pahnih hi a pawimawh dawn hle.

Italy Squad:

Goalkeepers: Elia Caprile (Cagliari), Marco Carnesecchi (Atalanta), Gianluigi Donnarumma (Manchester City), Guglielmo Vicario (Tottenham);

Defenders: Alessandro Bastoni (Inter), Raoul Bellanova (Atalanta), Alessandro Buongiorno (Napoli), Riccardo Calafiori (Arsenal), Andrea Cambiaso (Juventus), Giovanni Di Lorenzo (Napoli), Federico Dimarco (Inter), Matteo Gabbia (Milan), Gianluca Mancini (Roma);

Midfielders: Nicolò Barella (Inter), Bryan Cristante (Roma), Davide Frattesi (Inter), Manuel Locatelli (Juventus), Samuele Ricci (Milan), Sandro Tonali (Newcastle);

Strikers: Nicolo Cambiaghi (Bologna) Francesco Pio Esposito (Inter), Riccardo Orsolini (Bologna), Matteo Politano (Napoli), Giacomo Raspadori (Atletico Madrid), Mateo Retegui (Al-Qadsiah), Gianluca Scamacca (Atalanta), Mattia Zaccagni (Lazio).