Atalanta-in coach an ban

Atalanta chuan an manager Ivan Juric chu a hna aṭangin an ban, kar tawp inkhela Sassuolo an hneh lohna chuan a hna a nghawng a, a club nen an inṭhen a ngaih phah ta a ni.

Serie A match 11 an khelh tawh chinah Atalanta hi an cheṭha tawk lo, point 13 chauh an la hmuh avangin table-ah pawh 13-na an ni a, season thara European football khelh tum tan chuan danglamna siam a hun.

Italian club chuan thuchhuah siamin, "Atalanta BC chuan Ivan Juric chu kan first team coach aṭangin a chawl tih kan puang, club tana a hnathawh ṭha te avangin lawmthu kan sawi, a kal lehzelna turah duhsakna kan hlan bawk," a ti.

Juric thlaktu tur hi a la chiang lo, Italian chanchinbu te chuan Fiorentina manager hlui Raffaele Palladino chu Atalanta nen an inhnimhnai hle niin an ziak a, thu chiang erawh a la awm thei rih lo.