Lakshya Sen a chak phawt

Badminton inelna Japan Masters khelh laiah Lakshya Sen chuan a match hmasa berah hnehna a chang, hetih lai hian Kiran George erawh hneh nei loin a zinkawng a tawp nghal thung.

Kumamoto City-a BWF World Tour Super 500 inkhelah hian, India tlangval Sen-a hian minute 39 chhungin Koki Watanabe chu 21-12, 21-16 in a hneh a, a match lehpekah chuan Victor Lai leh Jia Heng Jason Teh te inkhela chak zawk a hmachhawn leh dawn a ni.

Inkhel dangah Kiran George erawh Malaysian tlangval Kok Jing Hong lakah 20-22, 10-21 in a chak lo. Anni pahnih bakah hian HS Prannoy, Ayush Shetty leh Tharun Mannepalli te pawhin singles match an khelh dawn bawk.

Mixed doubles lamah Rohan Kapoor leh Ruthvika Gadde te ṭangdun chu American player Presley Smith leh Jennie Gai te lakah 12-21, 21-19, 20-22 in an chak lo bawk a ni.