Arsenal leh Micheli an inbia

Arsenal chuan player lakluh leh thlithlai kawnga tawnhriat nei ṭha Maurizio Micheli an dawr - Micheli hi Napoli tana head scout ni mek a ni a, player naupang leh nakina la ṭha tur zawng thiam a ni.

English chanchinbu mite chuan Micheli hian Emirates Stadium a pan dawn ngei niin an ziak a, tun hma lama Marek Hamsik, Kim Min-jae leh Khvicha Kvaratskhelia te lo chhar chhuak tawhtu hian nakin lawkah chuan North London panin a puanthuah a tel ang.

Tun hnaiah Arsenal an insiksawi nasa - sporting drirector Edu leh a thawhpui Jason Ayto te an chhuah hnuah Andrea Berta an lalut. Berta hian April aṭang khan a hna a zawm, nipui bazar lai pawh khan a che na hle.

Italian mi Mecheli hian Serie A lamah tawnhriat a nei ṭha, Napoli hma hian Bologna leh Brescia tan pawh hna a lo thawk tawh ṭhin a ni.