Verstappen a la beidawng lo

Max Verstappen chuan Formula 1 champion ni turin beisei a la nei a, inelna a zawh hma loh chuan amah leh Red Bull chu an beidawng ve ngai lo tih a sawi bawk.

Tun season kal lai atan intlansiak pathum - Las Vegas, Qatar leh Abu Dhabi Grand Prix te chauh an hmabak tawh a, point hmuh belh theih a la tam avangin an dinhmun a la inthlak kual thei hle dawn a ni.

Driver championship-ah chuan, hmahruaitu Lando Norris chuan point 390 hmuin a hnuaiah amah ang bawka McLaren driver Oscar Piastri a awm. Pathumna Verstappen leh Norris inthlauhna hi point 41 lai a nih avang erawh chuan in lehpelh a harsa tawh ang.

A zawna vawi li champion thei Verstappen chuan, "Season a tawp hma chuan kan beidawng dawn lo a, intlansiak tawp ber thlengin kan theihtawp kan chhuah ang, inelna hi a la tawp lo a ni tih kan hria," a ti.

Dutch tlangval hi season tir lamah a che ṭha tawk lo a, season chawhnu lamah tho chhuak ṭha viau mah se atan kawng a hautak. McLaren team an cheṭha si a, a nomawi humhim tur chuan thil mak a thlen a ngai tawh ang.

November 23, Pathianni chawhma dar 9:30 hian Las Vegas Street Circuit-ah Las Vegas Grand Prix an tlan leh dawn a ni.