WC khel tura Belgium tlin zan

FIFA World Cup khel turin Belgium dinhmun a ṭha, Rudi Garcia hote hian zanin dar 7:30-a Kazakhstan an hneh chuan an tling dawn. Red Devils hian an player pawimawh pathum Romelu Lukaku, Kevin de Bruyne leh Thibaut Courtois te hliam vangin an chhawr thei lo a, chutichung chuan Kazakhstan hneh turin an ṭha tawk.

Rudi Garcia hote hian match ruk an khelh tawh aṭangin goal 21 an khung a, point 14 hmuin an khingpui tur, beisei tur nei tawh lo Kazakhstan aiin point sarihin an hmu tam. Belgium hian Kazakhstan hi an inhmachhawn hmasak ṭumin 6-0 in an sawp.