ICC Test ranking Kohli-a'n 1-na luah leh ta

Test Cricket ranking thar chu December 3 khan tihchhuah a ni a, Virat Kohli-a'n Bangladesh laka century a siam zarah Test bastmen ranking-ah pakhatna a ni. Australia batsman Steve Smith erawh pahnihnaah a awm thung. Top 10-ah hian India batsman pathum an lang a, Kohli bakah Cheteshwar Pujara leh Ajinkya Rahane ten palina leh parukna dinhmun an hauh pha bawk.

Test bowler ranking-ah Australia bowler Pat Cummins chu pakhatna a ni a, India chhuanvawr Jasprit Bumrah chu tun hnaiah hliam vangin khel lo mah se panganaah a awm. Pakuana leh 10-naah Ravichandran Ashwin leh Mohammad Shami te an awm a, batsman ang thoin bowler pathum top 10-ah an awm.

Team ranking-ah India pakhatnaah awm zelin an hnuaiah New Zealand, South Africa, England leh Australia te an awm a ni.