Murray-a'n beisei a nei sang

Andy Murray chuan season thar lo awm tur atan beisei a nei sang a, tun hma lama a elpui ṭhin Roger Federer leh Rafael Nadal te huanga tel ve leh theih ngei a tum ruh hle.

Britain tlangval hi a khel bawr na vangin a buai rei ta hle, kumin January thla khan a vawi hnih nan zai a ni. Tennis chawlhsan ngai tur ang hiala a awm hnuah a rawn dam leh a, season tawp lamah chuan singles match pawh a khel thei ve leh tawh a ni.

Grand Slam vawi thum champion tawh Murray chuan, "Kei aia player upa leh tawnhriat nei ṭha zawk ten huaisen takin inelna an la hmachhawn thei. Roger, Rafa leh Novak Djokovic te hi en teh u, an kalkawng hi a awlsam vek bik lo.

"Kei pawhin kawng harsa chu ka hmachhawn ve ngei mai, tunah hian kum 32 mi ka ni. Roger erawh kum 38 mi a ni tawh thung, an lak aṭangin zir tur ka ngah hle," tiin player ropui dang a dah san thu a sawi tel bawk.