Mega Boxing a thlawnin YouTube-ah en theih dawn

17th November, 2025

Sailo Agencies-MIZBA Mega Boxing 2025 chu Zirtawpni zan aṭangin R. Dengṭhuama Indoor Stadium, Mualpuiah khelh ṭan a ni a, entu la ṭhahnem lo mah se boxing ngainatute chuan an ngaihven nghal. Inelna hi zaninah khelh chhunzawm a ni dawn a; Zonet Rihnim, Empai leh YouTube channel-ah a en theih. Preliminary round chin hi a thlawn vekin YouTube-ah a en theih ang.