Netherlands chak zo lo

Ronald Koeman enkawl Netherlands-in World Cup khel phak turin point thum chiah mamawh tawh mah se, Poland lakah hnehna an chang zo lo a, 1-1 in an inhnehtawk.

Poland tan hian Jakub Kaminski chuan goal hmahruai a khung a, mahse, Netherlands-in an ram tana goal khung hnem ber Memphis Depay hmangin an chhanglet - hun tawp thlengin goal dang a lut tawh lo thung.

Netherlands hian zanin dar 1:15-ah Lithuania an mikhual dawn a, draw result ringawt pawhin World Cup khel turin an tlang thei - an tlawm a nih pawhin goal difference-ah Poland aia an san fe zawk avangin thil mak danglam a thleng a nih loh chuan an tlang ang.

Poland hian zanin dar 1:15-ah vek Malta an mikhual dawn a, eng result pawh thleng se, playoff khel tura an tlin chian avangin Dutch team zawk tlang pawh ni se, playoff hmangin chance an la nei dawn a ni.