9 Ball Pool C'shp-ah Lalrina a champion

Ather Electric Scooter 9 Ball Pool Championship 2025 chu November 15, Inrinni tlai khan Millennium Centre Atrium-ah a hmawr bawkna neih a ni a, Lalrina Renthlei a champion. Mizoram Snooker & Billiards Association (MSBA) inelna buatsaih final-ah hian Lalrina Renthlei leh R Lalmalsawma, Lunglei te an inhmachhawn a, race to 8 a khelh niin, Tuikhuahtlang pa Lalrina'n 8 - 4 in hnehna an chang.

Semifinal leh final inkarah exhibition match pathum Apuia Ralte (footballer) vs Papuia Pachuau (Actor), Tommy vs Bz-a (GreenRocket TV) leh Buati vs Hailey te an inkhelh bakah main sponsor Ather leh co sponsor Aidu play aṭangin, Zothantluanga leh Henry Hlawnmual ten charity match an khel a, MSBA tan cheng 50,000 an hlan a ni.