Argentina leh Chile inhmachhawn dawn

Nakkum nipui lai hian Copa America khelh a ni leh dawn a, group match hmasa berah Argentina leh Chile an inkhel ang - ram pahnih hian kumin khan pathumna dinhmun an lo inchuh tawh. Kumina an intawn ṭum khan Lionel Messi leh Gary Medel te hnawhchhuah an ni a, Argentina captain hian an khawmualpuia football thuneitu sang a sawisel bawk avangin hremna a hmachhawn phah hial.

South America rama football inelna sangah hian Asia khawmualpui aṭangin Australia leh Qatar te chu inlan tura sawm an ni bawk. Group pahnihah ṭhenhran an ni a, an inkhelh kual hnuah a sang pali ten quarterfinal an lut ang.

Group A: Argentina, Australia, Bolivia, Uruguay, Chile, Paraguay.

Group B: Colombia, Brazil, Qatar, Venezuela, Ecuador, Peru.