ADFA II Div Quarterfinal Chite Veng leh Zonuam an chak

Nimin khan ADFA II Div Football Tournament (2025-26 season) quarterfinal khelh a ni a, Chite Veng FC-in Hlimen FC 5-4 in an hneh a, Zonuam club JES FC-in Bethlehem Vengthlang 5-1 in an sawp bawk. Vawiin hian quarterfinal hnuhnung zawk khelh a ni dawn.

Group stage-ah FC Thakthing Vengin hneh loh an tawng lo a, vawiin chawhma dar 10:30 hian kum tluana training nei ṭhin 1st Bn MAP Football Academy an hmachhawn ang. Chawhnu dar 1:00-ah FC Armed Veng South leh Chanmari West FC te an inkhel bawk ang.