Bucks tan Antetokounmpo a lo kir

Hnungzâng na vanga match khat a khelh theih loh hnuah Giannis Antetokounmpo a lo kir leh tawh a, Greek tlangval hian a team Milwaukee Bucks chu Orlando Magic lakah 121-99 in hnehna a chan pui.

NBA Most Valuable Player vawi hnih ni tawh Antetokounmpo-a'n point 22 neiin a team a chak pui a, tun hnaiah a zawna vawi hnih an chakna a nih bakah - regular season bikah Orlando hi a zawmin vawi nga zet an ngam ta.

Bucks tan hian Antetokounmpo bakah Khris Middleton chuan point 20 neiin rebounds vawi 10 a la bawk, tun hnaia khel ṭha Bobby Portis pawhin point 20 ngawt nei lehin hnehna an chan theih nan a thawh hlawk leh hle a ni.

NBA Results

Memphis Grizzlies    101 - 91    Cleveland Cavaliers

Milwaukee Bucks    121 - 99    Orlando Magic

Washington Wizards    128 - 107    Phoenix Suns

Atlanta Hawks    112 - 94    Philadelphia 76ers

Portland Trail Blazers    112 - 111    Toronto Raptors

Sacramento Kings    127 - 122    Indiana Pacers