Ronaldo-a'n record a siam dawn?

Cristiano Ronaldo-a'n ram leh club tana a goal khung zat belhkhawm chu 759 a ni a, khawtlang media tam takin an tarlan dan chuan goal khung hnem ber Josef Bican a nih rual.

Zanin dar 1:15 hian Coppa Italia last 16 khel turin Juventus hian Genoa an mikhual dawn. Old Lady tan Ronaldo-a'n goal a khung leh a nih chuan record thar a siam dawn tihna a ni a, manager Andrea Pirlo-a'n a hahchawlhtir zawk pawh a ni mai thei.

Tun hma lamin goal khung dan hi record mumal tak siam a ni lem lo. Pele leh Romario ten an goal khung zat an sawi leh media lamin an sawi a inang lo a, player pahnih hian Rec.Sport.Soccer Statistics Foundation (RSSSF) in an goal khung zat an tihsak chu an pawm lo.

Chhinchhiah dan felfai tak a awm vek loh avangin inhnialna chu a awm reng dawn. Ronaldo goal khung zat erawh chiang taka chhinchhiah a ni a, zanina goal a khung a nih chuan media tam takin khawvela goal khung hnem ber angin an ziak ngei ang.

Coppa Italia - Last 16

Zanin Inkhel Tur

Fiorentina    07:30 PM    Inter Milan

Napoli    10:15 PM    Empoli

Juventus    01:15 AM    Genoa

January 14, Ningani

Sassuolo    10:00 PM    SPAL

Atalanta    01:45 AM    Cagliari