West Ham-in Stockport an hneh

FA Cup third round-ah West Ham United-in Thawhṭanni zan khan National League club Stockport County 1-0 in an hneh. Edgeley Park-a goal awmchhun hi minute 83-naa Craig Dawson-a khung a ni.

Brentford aṭanga loan hmanga West Ham zawmtu Said Benrahma-a'n London club tana a goal khung hmasa ber khung theihna hun ṭha a nei a, amaherawhchu goal ban a per. 

Ruah a sur nasat avangin inkhelh a harsa a, Premier League club-in goal khung an harsat. David Moyes-a hoten inkhel an thunun a, minute 83-naah Jarrod Bowen-a cross chu Craig Dawson-a'n a tauh goal.

Kum 30 mi Dawson hian November 2010 khan Rochdale tan FA Cup-ah Manchester khaw club FC United lamah a khung a, kum 10 leh ni 67 hnuah FA Cup-ah goal a khung leh chauh.

West Ham assistant manager Alan Irvine chuan, "A pawimawh ber chu third round kan paltlang hi a ni," tiin a sawi. Hammers hian fourth round-ah Doncaster an mikhual ang a, tun Inrinni zan hian Premier League-ah Burnley an hmachhawn ang.