MIZBA Mega Boxing a thlawnin en theih

19th November, 2025

Sailo Agencies-MIZBA Mega Boxing 2025 chu R. Dengṭhuama Indoor Stadium, Mualpuiah khelh chhunzawm zel a ni a, a hmuna inhnek en man hi a awm rih lo. In lam aṭanga thlir duh tan pawh Zonet Rihnim, Empai leh YouTube channel-ah a en theih. Preliminary round chin hi a thlawn vekin YouTube-ah a en theih ang.

MIZBA chuan amateur boxing-a Mizoramin hma a sawn theih nan inelna hi a buatsaih a, 9th Elite National Boxing Championship-a Mizoram aiawh tur thlanna a nih nghal avangin inelna hi a pawimawh hle.

Tun ṭum inenaah hian boxer 216 an tel a, mipa 191 telin hmeichhe boxer 25 an tel. November 22, Inrinni thleng novice boxer te an inlan ang a, November 26, Nilaini aṭangin seeded boxer te an tel ṭan dawn. Final hi December 9-10, 2025-a khelh tur a ni.