January-ah Semenyo a lei theih dawn

Bournemouth winger, beisei phak baka che ṭha Antoine Semenyo duh tan January thlaah a lei theih dawn - kum 25 mi forward hian a contract-ah pound maktaduai 65-a lei chhuah theihna dan a ziak tel a, hei hi January aṭangin a nung dawn.

Ghana international hi club engemaw zatin an beisei a, nipui laia amah duhtu langsar zingah Manchester United leh Tottenham Hotspur telin, mahse, kum 25 mi forward hian July 1 khan Cherries tana kum nga dang khel turin contract thar a ziak ta zawk.

Mahse, Semenyo hian a contract-ah £65mtd-a lei chhuah a nih theihna dan a ziak tel a, mahse, amah lei duhtu chuan January thlasik transfer inhawn aṭanga kar hnih chhunga an tihfel a ngai thung.

London-a piang, mahse, Ghana tana inlan Semenyo hi a naupan laiin Arsenal, Spurs leh Millwall ten an duh lo a, Bristol City aṭangin a professional zinkawng a zawh ṭan.

January 2023 khan Bristol aṭangin Cherries hi £10mtd-in a zawm a, hma a sawn zel. Season hmasa khan inelna hrang hrangah match 42 khelin goal 13 a khung a, assist vawi sarih a nei tel - a career-a season khata goal 10 a khung tlin hmasak ber a ni.

Semenyo hian season hmasaa a chet ṭhat chu tihpalh thil thu a ni lo tih pholangin, tun season-ah a chet ṭhat chhunzawm a, match 12-ah goal ruk khungin, assist vawi thum a nei tawh bawk.