Northern Ireland an chak

World Cup qualifier-a an match hnuhnung berah Northern Ireland an chak a, Liverpool right back Conor Bradley captain-na hnuaia khel ram hian Luxembourg chu 1-0 in an hneh.

Mualneitu Northern Ireland tan Jamie Donley chuan penalty aṭangin inkhela goal awmchhun a khung a, ram tana a goal hmasa ber a ni - qualifier match ruk an khelhah vawi thum chakin, vawi thum an tlawm.

Northern Ireland hi group A-ah awmin, an group aṭang hian hmahruaitu Germany an tlang a, Slovakia-in playoff an khel dawn. Mahse, Nations League-a result an neih ṭhat avangin Northern Ireland pawh hian playoff an khel dawn tho.

FIFA ranking-a 63-na ram hian kum 1986 hnuah World Cup an khel leh tawh lo a, 1958 leh 1982 khan an khel bawk - playoff an paltlang theih chuan an ram chanchinah hriatreng a ni tawh ang.