Bayern tan Ribery rinawm

France international hlui Franck Ribery chuan German champion Bayern Munich-ah kum 2018 June thla thleng cham turin contract thar a ziak.

Kum 33-a upa Ribery hian Bayern tan match 333 a khel tawh a, a club tan season 10 a khelh chhung hian goal 108 a khung tawh bawk.

Bayern chairman Karl-Heinz Rummenigge chuan, "Ani hi chu player a nih bakah fan-te ngainat leh lawm hlawh a ni bawk," tiin kum 2013 European Footballer of the Year chawimawina dawngtu a fak thiam hle.

Ribery hian a club tan hian league nomawi paruk bakah kum 2013 khan Champions League nomawi a chawipui a, tun hnaiah hliam neuh neuh vangin a inlan tam tawk lo - tun season-ah inelna hrang hrangah match 12 khelh tawhin goal hnih a khung.