Venghluiin final hnaih

Aizawl DFA hnuaia First Division League khelh mekah Venghlui FC-in nimin khan Chal-tlang FC 3-2 in an hneh a, match khat chiah khelh tur awm tawhah anmahni hnaih bertu Aizawl FC Academy aiin point ngain an sang fal tawh.

Vawiin hian RG Stadium-ah Aizawl FC Academy-in semifinal beisei tur nei tawh lo Chawnpui FC an hma-chhawn ang a, he result hian final khel tur a nghawng pha ang. Hemi hma hian Ramhlun FC leh table mawngphaha awm FC Kulikawn an inkhel dawn a, Ramhlun FC hian an match hnuhnung berah Venghlui FC an la hmachhawn dawn avangin final luh beiseina an la nei bawk.

Nimin khan final lut chiang tawh Mizoram Police chu 1st Bn MAP Academy lakah 3-1 zetin an chak lo a, Police Academy hian hnehna chang mah se an chung chiaha awm Chawnpui FC chu head to head-ah an phak loh avangin an relegate tawh.