December 8-ah MPL Qualifier

Mizoram Premier League Season 6 khel tur zawnna MPL Qualifier chu December 8 aṭangin Aizawlah khelh a ni ang.

Aizawl DFA hnuaia club pahnihte leh Ser-chhip DFA hnuaia club pakhatin qualifier khel tur hian hming an pe.

MPL Qualifier-a team pathumte hi an inkhel kual chhuak ang a, chuta pakhatna chu MPL6 khel turin an tling ang. MPL Qualifier-a pahnihna leh MPL5-a pasarihna Ramhlun North FC ten MPL Play Off an khel thung ang.

MPL1 Qualifier-ah team pariat an tel a, hmun- ruak pali Aizawl FC, Reitlang FC, Chanmari FC leh FC RS Annexe ten an hnawhkhat. Chanmari West FC (MPL2 Quali-fier), Lunglei FC (MPL3), Luangmual FC (MPL4) leh Ramhlun North (MPL5) te chu qualifier-a champion ni chungin MPL khel turin an inpet tling.

MPL Playoff ṭum li neih tawh a ni a, District FA club lakah MPL club-ten record nei ṭha mah se an chungnunna a tam bik ngai lo.

MPL2 Playoff-ah Luangmual FC-in Khaw-zawl FC chu aggregate-ah 6-3 in an hneh a, MPL khelh zel theihna ticket an hlawh chhuak.

MPL3 Playoff-ah Chan-mari West FC-in Be-thlehem VT FC chu aggregate-ah 3-2 in an hneh a, West Warrior-in MPL an khelh zui zel bakah Luangmual FC chu MPL2 final-a an chet mawi loh vanga hrem an nih avangin BVT-in MPL an khelh theih phah bawk.

MPL4 Playoff-ah Reitlang FC (Zo United)-in Upper Republic FC chu aggregate-ah 6-5 in an hneh a, MPL Playoff history-a goal luh tamna ber a ni.

MPL5 Playoff-ah Chhinga Veng FC-in Luang-mual FC chu aggre-gate-ah 2-1 in an hneh a, District FA club zinga Playoff-a MPL-a pasarihna hneh thei hmasa ber a ni.

MPL5 pasarihna Ram-hlun North-in MPL6 Playoff an hmachhawn dawn chiang tawh a, qualifier khelh zawhah an khingpui tur a hriat ang.