Formuala 1 champion Nico Rosberg

Nico Rosberg chu 2016 Formula 1 world champion a ni. Mercedes driver hi Pathiannia tlan zawh tak Abu Dhabi Grand Prix-ah pahnihna a ni a, a teammate Lewis Hamilton chu pakhatna a ni thung.

German driver Ros-berg hian kumin intlansiak vawi 21 awm aṭangin vawi kua hnehna a chang a, point 385 a hmu. Pahnihna Ha-mil-ton hian vawi 10 hnehna chang mah se season tluana an point belh khawmah point 380 a hmu. A vawi khat nana For-mula 1 champion nomawi chawitu Rosberg a phak lohna chu point nga a ni.

Kum 31-a upa Rosberg chuan, "Ka naupan lai a-
ṭanga ka duhthusam chu a thleng dik ta! Thil thleng engkim mai hi ka tan chuan lawmna tur hlir a ni," tiin a champion hnuah a sawi.

World champion vawi thum ni tawh Hamilton chuan, "Nico ka lawmpui che, i thawk ṭha takzet," tiin a teammate leh world champion thar ni bawk Rosberg a lawmpui thu a sawi chhuak.

Formula 1-ah hian pafa a champion thei pahnih chiah an la awm. Kum 1982 khan Keke chu world champion a lo ni tawh a, tunah a fapa Rosberg-a'n a hnung a rawn zui ve leh chiah. Britain driver Graham (1962, 1968) leh Damon Hill (1996) te chu an pafain an lo champion tawh bawk.

Kuminah hian Merce-des driver pahnih ten ro an rel hneh hle a, in-tlansaiak 21 zinga 19 zetah pakhatna an ni. Red Bull driver pahnih Max Verstappen leh Daniel Ricciardo te chiah Mercedes driver ni lo hnehna chang thei an ni.

Sahara Force India chuan Formula 1 season an hman ṭhat ber ṭum an tawng. Abu Dhabi Grand Prix-ah hian Nico Hulkenberg leh Sergio Perez te chu pasarihna leh pariatnaah an thleng. India team hian constructors' championship-ah point 173 hmuin palina an ni - an tluk loh chu champion Mercedes, Red Bull leh Ferrari te chiah an ni.

Force India team prin--cipal Vijay Mallya chuan, "Formula 1 World Constructors Cham-pion-ship-a palina kan ni. Ka lawm a, ka ngaihdan chuan khawvela a ṭha ber kan ni," tiin twitter-ah a tarlang.