EFL Cup Anfield-ah Leeds United an leng dawn

English football ngainatu i nih chuan Leeds United hming hi i hre tawh ngei ang a, Elland Road te pawhin i lung an ti leng ve ngei ang - Alan Smith, Mark Viduka, Rio Ferdinand, Ian Harte, James Milner, Nick Barmby leh Paul Robinson ten hming chher nana an lo hman tawh club hian zanin dar 1:15-ah EFL Cup quarterfinal khel turin Liverpool an lenchilh dawn a, Championship club hian hnehna chan ngei an duh ang.

Liverpool-in inelna hrang hrangah match 14 chhung ngam loh an tawng tawh lo a, League Cup champion ngun ber (8) club hian Leeds United lakah awlsam taka tlawm an duh lo ang. EFL Cup hi semifinal chinah chauh two-legged hman a nih avangin zanin inkhela chak zawk hi a thiam pali zinga tel tur an ni ang.

Klopp-a inpeih

Reds-in an league match hnuhnung berah Sunderland hmachhawnin Jurgen Klopp chuan a team hmachhawn tawhah Black Cats chu defensive ber an nih thu a sawi a, hetichung hian 2-0 in hnehna an chang tho.

Klopp chuan, "He team hi tlarhnunga 'bus park' pawh hmachhawn turin kan inpeih a ni. Season hmasa kha chuan team tlemte chauhin kan lakah defensive game an khel a, kuminah erawh nikum aia kan ṭhat tawh zawk avangin team zawng zawng deuhthawin kan lakah defensive game an khel a ni. Mahse, kan attacking a nat miau avangin kan khingpuite tan duhthlan tur dang kan siamsak lo," tiin a naute a ringtawk hle.

Zaninah pawh Leeds United-in defensive game an khelh ngei a rinawm a, Klopp-a sawi anga Liverpool tlarhma an ṭhat tawk leh tawk loh a hriat ang - Swansea boss hlui Gary Monk-a enkawl Leeds United hian an match hnuhnung pangaah vawi khat chiah tlawm hmel hmuin a bak zawngah hnehna an chang vek.

Tu nge inlan tur?

Klopp-a ṭawng pawr viau laiin tlarhma lama a player pawimawh zingah hliam vangin Philippe Coutinho a inlan thei dawn lo chiang a, Sunderland an hneh ṭuma lakchhuah Roberto Firmino hliam chu 'serious' lo mah se a inkhelh a rinawm loh zawk a, chawn hliam vangin Daniel Sturridge-a'n Black Cats a hmachhawn thei lo a, England tan a fehchhuahna lama inhliam Adam Lallana a la dam lo bawk.

Hetihrual hian Klopp erawh lungphang lutuk tur a ni lo. Divock Origi-a'n goal khung a thiam tih pholan nan Sunderland lakah goal a khung a, Belgian striker hian inkhel bul a ṭan chu thil beiseiawm a ni. Klopp-a'n Sturridge hliam dinhmun a hriatchian loh thu sawi mah se English striker hi inlan thut thei dinhmunah a ding tho a, a inlan ta lo a nih chuan Black Cats laka Reds player Premier League match khel naupang pathumna dinhmun luahtu, kum 17-a upa Ben Woodburn tan hun ṭha a inhawn rin a ni.

Reds hian last 16-a Tottenham Hotspur an hnawhchhuah ṭum khan Spurs an hmachhawn hmaa an league match hnuhnung ber khel aṭangin player 11 ngawt a thlak danglam a, zaninah league lama hmel inlan tam lo Simon Mignolet, Lucas Leiva, Ragnar Klavan, Alberto Moreno leh rawlthar rual Kevin Stewart, Marko Grujic, Ovie Ejaria leh Trent Alexander-Arnold te ho an inlan a nih pawn a mak lo ang.

Hei le Magpies

Rafael Benitez-a enkawl Newcastle United-in zanin dar 1:15-ah vek Hull City an lenc

EFL Cup - Quarterfinal

Zanin Inkhel Tur

Liverpool 1:15 AM Leeds United

Hull City 1:15 AM Newcastle United

November 30, Nilaini Zan

Arsenal 1:15 AM Southampton

Manchester United 1:30 AM West Ham United

hilh dawn a, Magpies hi hming lian zawk ni mah se Championship club tan Premier League club hneh hi thil awlsam a ni dawn lo. Hull hian match thum chhung a zawna tlawm hmel an hmuh hnuah West Brom chu an inhnehtawkpui a, Magpies hi rin loh taka Blackburn Rovers hneh lo hlim an ni thung.

Newcastle United hian Black---burn an ngam loh hma hian match kua chhung chu a zawnin hnehna an chang hman a, kum 1994-a Kevin Keegan enkawlna hnuaia club record siam chu an nih rual - zaninah Hull-in chak lo hlim thinrim an tawng baw lo ang tih a sawi theih loh.