Record lam en chuan I League club an tha Chanmari FC 6 - 13 Aizawl FC
Mizoram Premier League season hnuhnung pahnih final-ah Aizawl FC leh Chanmari FC te an inhmachhawn a, tun season-ah erawh semifinal-ah an intawng dawn. December 2, Zirtawpni zan dar 7:00-a inkhel tur hi a hmuhnawm ang.
AFC an chungnung
Aizawl FC leh Chanmari FC te hi July 25, 2012 khan a vawi khat nan MPL1 Qualifier-ah an intawng a, hemi hnu hian MPL, I Day Football, MFA Super Cup bakah I League Second Division thlengin an inhmachhawn leh tawh. Mizoramin football-ah hma a sawn avangin club pahnih hi India ram hmun dangah pawh hriat hlawh an ni pha hial.
Vawi 20 an intawn tawhah vawi khat chiah an inhnehtawk a, Aizawl FC hi vawi 13 chak tawhin Chanmari FC hi vawi ruk an chak. MPL Qualifier-ah AFC-in hnehna an chang a, hmahruaiatu ni chungin MPL khel turin an tling.
MPL2-ah Chanmari FC-in ṭum hnih Aizawl FC hnehin nomawi chawi zui mah se coach K. Malsawmkima awm hnuah Aizawl FC an chungnung. MPL3 leh MPL4 final-ah Aizawl FC-in Chanmari FC hnehin an champion ve ve a, I League khel pha turin Mala hoten Chanmari FC chu inkhel pawimawhah 4-2 in an hneh bawk.
Tun season ṭan nana inelna hmasa ber I Day Football-ah Chanmari FC-in group stage match hmasa berah AFC hneh nghal mah se final an thleng zo lo a, Mala hote erawhin nomawi an chawi. MFA Super Cup final-ah club ṭha pahnih hi an intawng leh a, nomawi chawitu chu Aizawl FC bawk an ni.
MPL5-ah Chanmari FC an chak hmasa zawk a, league round kharna inkhelah erawh player nei
ṭha lo zawka ngaih Aizawl FC an huai zawk. Lalsangzuala Hmar hote hian point 26 hmuin pahnihnaah awm mah se an hnuaia awm Aizawl FC hi an intawn hnuhnung berah an hneh loh avangin semifinal a ngaihnawm sawt ang.
Sawmfela - Goal 7
Chanmari FC leh Aizawl FC te vawi 20 intawn tawhnaah hian goal 54 a lut a, goal sarih khung tawh Chanmari forward Malsawmfela chu goal khung tam ber a ni. Ramhlun South tlangval hian MPL5 khelh mekah goal 10 khung tawhin top scorer a ni mek a, chung zinga goal hnih chu AFC lama a khung a ni.
Sawmfela ang thoa tun sea-son-a goal 10 khung tawh, Chanmari West captain Laldam-puia'n I League Second Division-ah AFC tana khelin Chanmari lamah goal hnih a khung tawh bawk.
Aizawl FC assistant coach Lalruatdika hian Chanmari tana a khelh laiin AFC lamah a khung tawh a, an lamah a tilut (own goal) tawh bawk. Tun season-a Chanmari midfield innghahna R. Malsawmtluanga hian AFC tana a khelh laiin club pahnih intawn
ṭumin man of the match-ah thlan a ni a, goal erawh a la khung lo.
Chanmari FC defender Tho-mas Lalengkima'n AFC tana a khelh laiin tuna a khelhna club lamah hian goal khat a khung tawh a, AFC forward William Lalnunfela'n Chanmari tana a khelh laiin I League club lamah hian goal khat a khung tawh bawk.
AFC tana Chanmari lama khung tam ber chu B. Zoramthara (goal 4) a ni a, winger ṭha Brandon VL Remdika'n Leitan tlangval hi dawtin goal thum a khung ve tawh bawk.
AFC tan foreigner
Chanmari FC an hmachhawn
ṭumin AFC foreigner te an ṭangkai ṭhin hle. Liberian forward Alfred Kemah Jaryan-a'n goal thum a khung a; foreigner dang Justice Morgan (2 goals), Aroh Izundu Joel (1) leh Bright Middleton Mends (1) ten goal an khung tawh bawk.
I League-a AFC striker Joel Sunday kha I League Second Division-ah Chanmari FC striker a ni a, Nigerian striker hian AFC lamah goal khat a khung ve bawk. MPL bikah Chanmari FC-in tun season aṭangin foreigner an lalut a, Ivorian forward Leonce Dodoz-a'n I League club a hmachhawn hmasak berah defender chaih buai mah se goal a keng tel lo. Hemi
ṭum hian Ghanaian forward Bright Mends erawhin AFC tan goal a khung thung.
CFC leh AFC
Aizawl FC coach K. Mal-sawm-kima chuan, "Chanmari FC hi team ṭha tak an ni a, player pawh an nei ṭha. Amaherawhchu he team hi MFA Super Cup final-ah kan hneh," tiin league round hnuhnung bera an intawn hmain an hlauh loh thu Vanglaini palai a hrilh lawk a, an hneh zui bawk.
Inkhelh banah Mala hian, "Dodoz-a tum ber kha chu pet goal a ni ang a, mah se a pet goal miah loin kan dang hneh a ni lawm ni," tiin Chanmari tana khel ṭha ber chu an dan theih thu a sawi bawk.
Chanmari FC coach Lalsang-zuala Hmar chuan inkhelh banah interview a hmachhawn lo a, a pum nat avangin dressing room-ah a lut tlang. AFC boss inhrosakna chhang turin Sanga a inlan lo a, semifinal-ah erawh training a kalpui theih tawh avangin interview a hmachhawn thei tawh ang.
VAWI 20 INTAWN TAWHNA CHU
MPL1 QUALIFIER
Aizawl FC 2 - 1 Chanmari FC
AFC : Francis Zonuntluanga 34'; Lalrinchhana 89' (OG)
CFC : Lalhlimpuia 90+3'
MPL1
Aizawl FC 0 - 2 Chanmari FC
CFC : Rochhingpuia 40’; C. Lalnuntluanga 47’
MoM: Zothanpuia, CFC
Chanmari FC 0 - 1 Aizawl FC
AFC : Aroh Izundu Joel 31’
MoM: Laldinpuia, AFC
MPL2
Aizawl FC 0 - 2 Chanmari FC
CFC: K. Lalchhanhima 67'; William Lalnunfela 90'
MoM : William Lalnunfela, CFC
Chanmari FC 2 - 1 Aizawl FC
CFC : H. Lalmuankima 25'; MS Dawngliana 60'
Aizawl FC : B. Zoramthara 49'
MoM: MS Dawngliana, CFC
MPL3
Chanmari FC 0 - 1 Aizawl FC
CFC : Lalruatdika 70' (OG)
MoM : Emma Chigozie, AFC
Aizawl FC 1 - 1 Chanmari FC
AFC : B. Zoramthara 39'
CFC : H. Lalmuankima 59'
MoM : H. Lalmuankima, CFC
MPL3 FINAL
1st Leg
Aizawl FC 1 - 0 Chanmari FC
AFC : B.Zoramthara 87'
2nd Leg
Chanmari FC 3 - 2 Aizawl FC
CFC : Laldingngheta 31’; Lalruatdika 55’(P); C.Lalrosanga 85’.
AFC : Justice Morgan 13’; Lalrozama 59’(P).
Penalty Shootout-ah Aizawl FC 4-2 in an chak
MPL4
Aizawl FC 3 - 2 Chanmari FC
AFC : Lalṭhakima 60'; Albert Zohmingmawia 79'; F. Lalrinpuia 83'.
CFC : R. Laldanmawia 11'; Malsawmfela 90+1'.
MoM : Lalṭhakima, Aizawl FC
Chanmari FC 0 - 1 Aizawl FC
AFC : Brandon VL Remdika 27'
MoM : R. Malsawmtluanga, AFC
MPL4 FINAL
Aizawl FC 3 - 0 Chanmari FC
AFC : Alfred Kemah Jaryan 27’, 33’; Brandon VL Remdika 47’
MPL5
Chanmari FC 1 - 0 Aizawl FC
CFC : Malsawmfela 81'
MoM : Malsawmfela, CFC
Aizawl FC FC 2 - 1 Chanmari FC
AFC : Bright Middleton Mends 6'; F. Lalremsanga 45’+1
CFC : Malsawmfela 56’ (P)
MoM: Jonathan Lalhriatkima, Aizawl FC
I DAY FOOTBALL
2012 - SEMIFINAL
Aizawl FC 2-1 Chanmari FC
AFC : Lalnuntluanga 87’; Michael Lalremruata 90+2’
CFC : Lallawmsanga 64’
2014 - SEMIFINAL
Chanmari FC 1 - 2 Aizawl FC
Chanmari FC : Lalmuanawma 56'
Aizawl FC : Lalramchhullova 9'; Thomas Lalengkima 78'
2016 - GROUP STAGE
Aizawl FC 1 - 2 Chanmari FC
AFC : Lalramchullova 86'
CFC : Malsawmfela 25'; Lalruatfela Zote 36'
MFA SUPER CUP
2016 - FINAL
Chanmari FC 0 - 1 Aizawl FC
AFC : Zoramthara 19'
Inelna Thlirna Tawi
Best Goalkeeper : Lalmuanawma, CFC
Best Defender : Ricky Lallawmawma, AFC
Best Midfielder : Rohmingthanga, AFC
Best Forward : Malsawmfela, CFC
I LEAGUE 2ND DIVISION - 2015
Aizawl FC 2 - 3 Chanmari FC
AFC : Albert Zohmingmawia 18'; Justice Morgan 70'.
CFC : Malsawmfela 19', 49'; Joel Sunday 52'
Aizawl FC 4 - 2 Chanmari FC
AFC : Brandon VL Remdika 9'; Laldampuia 13', 60'; Alfred Kemah Jaryan 51'
CFC : Malsawmfela 79'; Lalrosanga 90+3'