Bonucci a hliam na

Juventus chuan an defender Leonardo Bonucci chu a malpui na vangin thla hnih chhung vel a chawlh a ngaih tur thu an sawi.

Italy international hi kartawp Serie A inkhela Genoa 3-1 an an hneh loh ṭumin a hliam vang hian lakchhuah a ni. Turin-ah a hliam endik a nih hnuah a chawlh chen tur hi a chiang ang.

Juve chuan thuchhuah siamin, "A hliam endik a ni a, a malpui vei lam na avang hian a rei lo berah ni 45-60 chhung a chawlh a ngai dawn," an ti.

Manager Massimi-liano Allegri tan a defen-der inhliam hi chanchin lawmawm loh tak a ni ngei ang. Centre-back Andrea Barzagli chu dar na vangin kuminah a chhawr thei tawh dawn lo a, kartawpa inhliam Dani Alves chawlh chen tur a la hriat loh bawk - Barcelona defender hlui hi a rei lo berah thla thum chhung tal chawl tura ngaih a ni.