Taekwondo Fight League an intiattawk

Taekwondo Fight League khelh mekah team ṭha fal bik sawi theih a la ni lo. Thawhṭanni zan khan chak mamawh Aizawl Taekwondo Academy leh Dinthar Fighter ten hnehna an chang ve leh ta.

Electric Veng YMA Hall, Aizawla inkhel hmasa zawkah Aizawl Taekwondo Academy hian Zopa Gold Smith Chawnpui an hneh a, semifinal beiseina an neih theih nan hian C. Zoramsanga chu a khel ṭha hle - Fighter of the Night atan thlan a ni. Inkhel hnuhnung zawkah Dinthar Fighter chuan Ramhlun Sporting Club hneh tawhtu Kolasib Fighter an hneh ve bawk.

Zanin hian inelna hi neih chhunzawm leh a ni dawn a, match hmasa zawkah Pool a aṭangin Kolasib leh Armed Veng Warrior te an inhma-chhawn ang. Hemi hnuah Pool B aṭangin Zopa Gold Smith leh Hlimen Roller an in nuai chhunzawm lehnghal bawk ang - inkhel hi Zonet-ah live ṭhin a ni.