Sindhu a inhnukdawk

Tunkar chhunga khelh tur Macau Open Grand Prix Gold badminton tour-nament-ah PV Sindhu a inlan dawn lo. Sindhu a inlan theih dawn loh takah chuan hmeichhe singles-ah Saina Nehwal chu India bei-seina neihchhun a ni ang.

Rio Olympic silver medallist Sindhu hi inlan se chu seeded pahnihna ni tur a ni a, mahse tun hnaiah a vawi khat nan China Open Super Series Premier title a lak hnuah Hong Kong Super series final a lut leh bawk - a zawna chawlhkar thum in-khelh aiin Sindhu hian a hmalam hun atan chawlh a duh rih zawk nia ngaih a ni.

World number 1 hlui Saina erawh Rio Olympic hnua a tournament pa-thum nan a inlan leh dawn. Indian shuttler hi a khup zai a nih hnuah China Open-ah a lo kir a, first round-ah a tla nghal. Kar hmasaa khelh zawh tak Hong Kong Open-ah erawh hmasawnin quarterfinal a thleng - tun inelnaa a match hmasa berah Hanna Ramadini a hmachhawn ang.

Mipa singles lamah Indian shuttler ṭha Com-monwealth Games gold medallist Parupalli Kashyap, HS Prannoy leh B SAI Praneeth te an inlan bawk ang.