Chaltlang an sang thei lo

Mahuma Memorial Cricket Tournament khelh mekah nimin khan Luang-mual chuan wicket hnihin Chaltlang SC an hneh.

Chaltlang hian an hmabak match thumah hnehna chang pawh ni se season thara 1st division nih chhunzawm zel tur chuan club dang result-ah an innghah tel a ṭul tawh.

Chaltlang tan captain Lalhruaimawia (30 runs) leh Vanlalruata (36 runs) te che ṭha viau mah se wicket nga latu Luangmual captain G. Lalbiakvela an ngam loh avangin Chaltlang hian over 34.2-ah run 133 siamin an out vek a ni.

Luangmual tan Raj Kumar Thakur (34 runs) leh Lalrinchhana (23 runs) te an che ṭha a, Luang-mual hian wicket riat chiah hloha an target umphain hnehna an chang ta a ni.

Vawiin chawhma dar 9:15 hian Ramhlun Venglai leh Tlangnuam te an inkhel ve leh ang.