East Bengal-ah Uganda defender

January 7 aṭanga khelh ṭan tur I League in buatsaih nan East Bengal chuan Ugandan defender Ivan Bukenya an lalut dawn. Kum 25-a upa defen-der hian season hman zawh takah khan South African club ṭha Kaizer Chiefs tan a khel a ni.

Uganda international hian Iraqi club ṭha Arbil SC tan a khelh laiin Iraqi Premier League nomawi vawi khat a lo chawipui tawh bakah AFC Cup 2012-ah khan final an lut bawk. Red and Gold Brigade (East Bengal sawina) hian Ivan Bukenya an lakluh hma hian Haitian striker Wedson Anselme an lo lalut tawh a, foreign player an lakluh rual hian an mamawh loh an chhuahtir ve nual bawk.

Calcutta Football League (CFL) champion hian defender Calum Angus an chhuahtir tawh a, South Korean forward Do Dong Hyun chuan Kolkata club-a cham chhunzawm zel turin contract la nei mah se an tihtawp sak bawk a, A League khel thei nau-pang ber record chelh-tu hi zâng-nadawmna nuai 30 pein an chhuah nia tarlan a ni.