Tu nge MPL5 Qualifier khel dawn? First Division a ngaihnawm

Aizawl DFA hnuaia First Division League khelh mekah nimin khan Ramhlun FC leh Aizawl FC Academy ten hnehna an chang a, final-a Mizoram Police hmachhawn tur hriat nan round hnuhnung ber nghah a ṭul.

Ramhlun FC leh Aizawl FC Academy bak-ah pahnihnaa awm mek Venghlui FC ten final luh an inchuh dawn a, Round 14 match hmasa bera Ramhlun FC leh Venghlui FC inkhel tur hi inkhel pawimawh a ni.

Aizawl DFA-in MPL5 Qualifier-ah quota pahnih an nei a, Mizoram Police hian khelh an tum a nih chuan hmunruak pakhat chu a chiang. Aizawl FC-in MPL an khelh avangin an academy tan Mizoram league sang ber khelh theih a ni lo a, hei vang hian Venghlui FC leh Ramhlun FC ten hmunruak pakhat an inchuh ang.

Club pahnih hi an intawn hmasa zawkah Ramhlun FC hian hnehna an chang tawh a, hei vang hian RFC hi dinhmun hniam zawkah awm mah se Venghlui FC hi an hneh hrim hrim chuan MPL Qualifier an khel dawn. Amaherawhchu he result hi a thleng a nih chuan Aizawl FC Academy tan final lut turin relegate tawh 1st Bn MAP Academy hneh a ṭul ang.

Nimin Inkhel Results

Ramhlun FC 5 - 1 FC Kulikawn

RFC : R. Lalthapuia 14', 22', 55'; Lalramthara 76'; K. Lalrinawma 87'

FCK : K. Lalliankima 30'

Aizawl FC Academy 4 - 0 Chawnpui FC

AFC : Lalramsanga 21'; H.Lalnunzira 64'; Hmangaihkima 68', 75'

Round 14

December 1, Ningani

Venghlui FC Vs Ramhlun FC

Mizoram Police FC Vs FC Kulikawn

December 2, Zirtawpni

Chawnpui FC Vs Chaltlang FC

Aizawl FC Academy Vs 1st Bn MAP Academy

Team Dinhmun

# Team Pld W D L GF GA GD Pts

1 Mizoram Police 13 10 1 2 38 16 22 31

2 Venghlui FC 13 8 1 4 24 18 6 25

3 Aizawl FC Academy 13 7 2 4 17 15 2 23

4 Ramhlun FC 13 7 1 5 26 18 8 22

5 Chaltlang FC 13 5 3 5 20 16 4 18

6 Chawnpui FC 13 4 2 7 20 31 -11 14

7 1st Bn MAP Academy 13 3 2 8 14 23 -9 11

8 FC Kulikawn 13 2 0 11 12 34 -22 6