India-in England lakah 2-0 in hma an hruai

Mohali-ah India-in nimin khan England chu wicket riatin an hneh a, match nga khelh turah match hnih chakin 2-0 in hma an hruai mek.

India leh England hi an match hmasa berah an inhnehtawk a, match hnuhnung pahnihah India an chungnung thung. December 8 khian Wankhede Stadium, Mumbai-ah test match vawi lina khelh a ni ang.

India hian 1st innings-ah run 417 an siam a, England hian innings hmasa zawkah run 283 chiah siamin 2nd innings-ah run 236 bak an siam thei lo. Mikhual team hian Test ranking-a number 1 ni mek tan 103 runs bak target an siam thei lo a, India-in wicket hnih chauh hlohin an target an tlin.

India batsman Parthiv Patel chuan ball 54 lekah run 67 siamin a thi lo a, test match hnuhnung 16-ah hneh loh an tawng lo.

England captain hlui Michael Vaughan chuan, "England an khel ṭha tawk lo. Player-te hi darthlalang hmaah in en se, eng thil kal fuh theih loh chhan hi an inzawh a ngai a ni. An rilru put hmang a dik tawk lo a ni," tiin chak lo team a sawisel.