Dec 9-ah basketball inlena lian

Assam Rifles leh Mizoram Basketball Association ṭangkawp chuan, December 9-15, 2016 chhung khian Hawla Indoor Stadium-ah Governor's Cup Basket-ball Tourna-ment an buatsaih dawn.

Mizoram chhunga basketball inelna sang ber MPL2-a semifinal lut pha chin Khatla TBL, Tuikual South, Mission Veng Vikings leh Zarkawt Serpents-te tualchhung club aiawhin an tel ang. Mizoram pawn aṭangin Army team ṭha pali an tel dawn a, Mizo player telna Shillong-a innghat ARC an tel dawn tih a chiang tawh. Tun inelna hi MSL awm hnua Mizoram chhunga Mizo club fiahna hmasa berah a ngaih theih ang.

Inelna buatsaih chhan tak hi Mizote leh sipaite inhmelhriatna leh inṭhian-ṭhatna atan a tih ni a, Assam Rifles te hian Mizo tlangval te tan sipai a luhna chance siam sak an tum bawk.