JES FC-in final an lut

Nimin khan ADFA II Division League 2025 semifinal-ah Zonuam club JES FC-in Chite Veng 5-2 in an sawp. Vawiin chhun dar 11:00-ah 1st Bn MAP Football Academy leh FC Armed Veng South ten Chite Veng Playground-ah semifinal hnuhnung zawk an khel ang. Inelna hi Mizoram Building and Other Construction Workers Welfare Board (MBOCWWB) sponsor a ni.

Semifinal hmasa zawkah hian Zonuam club an che ṭha a, minute 15 chhung lekin Lalhmangaiha leh Lalmuankima te hmangin hma an hruai nghal. Chite Veng lamin Joseph Lalmuanpuia hmangin minute 16-naah si phurh sut ṭhen mah se first half-ah vek JES FC hian K. Lalrintluanga hmangin an khung belh.

Second half-ah K. Lalrintluanga'n goal hnih dang khung belhin, hattrick a siam a, JES FC-in minute 81-naah 5-1 in hma an hruai tawh. Chite Vengin injury time-ah Lalrinnunga Chawngthu hmangin an khung belh a, reuslt erawh a danglam phah lo - JES FC 5-2 in an chak lo.