Penalty-ah Armed Veng South an vannei

ADFA II Division League 2025 semifinal hnuhnung zawkah nimin khan Armed Veng South leh 1st Bn MAP Football Academy te hun pangngaiah 1-1 in an inhnehtawk a, penalty shootout-ah AVS 5-4 in an vannei ta zawk. Inelna hi Mizoram Building and Other Construction Workers Welfare Board (MBOCWWB) sponsor a ni a, final hi November 24, Thawhṭanni tlai dar 1:30-ah JES FC, Zonuam leh FC Armed Veng South ten an khel ang.

Chite Veng Playground-a inkhelah hian 1st Bn MAP FA-in minute 22-na lekah Vanneihtluanga hmangin hma an hruai a, hun rei zawk goal an venghim bawk. Mahse minute 89-naah AVS tan John F Malsawmtluanga'n si phurh a sut a, goal dang a luh belh tawh lo. Penalty shootout-ah Armed Veng South an vannei zui a, 5-4 in an chak.