Yarde tan world title beiseina tawp?

Pathianni zing khan Saudi Arabia-ah WBC champion David Benavidez chuan Anthony Yarde a hneh a, British light-heavyweight tan world title beiseina a tawpah a ngaih theih. Yarde hian vawi thum world title a fight-na a ni a, a chak loh vek avangin world title beisei ngam a har tawh ang.

American boxer Benavidez hian bul ṭan ṭha lo mah se a khel ṭha chho tial tial a, round sarihnaah chiang takin Yarde a hnek thlu. British boxer hnar aṭangin thi a chhuak nasa a, referee-in round sarihna minute khat khelh tur a la awm tihin inhnek a titawp.

Kum 28 mi Benavidez erawh vawi 31 a inhnektawhah la chak vekin, vawi 25 a knockout a, world title dang a la beisei. Benavidez hian cruiserweight-a insawn chhoh a, WBA leh WBO cruiserweight title kawltu Gilberto Ramirez chu May 2, 2026 hian hmachhawn a tum.