HPC Lunglei Invitation Badminton Tournament khelh zawh a ni ta

High Powered Committee, Lunglei Invitation Badminton Tournament 2025 chu November 21, Zirtawpni khan khelh zawh a ni ta a, November 18 aṭangin inelna hi neih ṭan a ni.

YPC Hall, Serkawn Indoor Stadium leh Zotlang Indoor Sradium ah te inelna hi neih niin, category 18-ah ṭhen a ni - team inelna pakhat leh open category 17 a awm a, match 187 khelh niin, club 43 aṭangin players 252 an inlan a ni.

Inelnaah hian Southern District Inter Club Men's team ṭha ber zawnna neih niin, Lunglei, Siaha, Lawngtlai leh Hnahthial huam chhunga badminton club-te tana buatsaih a ni - Lawngtlai club ṭha Electric Veng BC an champion.

Open category-ah Mizo shuttler lar Lalmuanawma, Lalnunthari leh C. Lalramzauva ten nomawi pahnih ṭheuh an hawn a, Lalnunhluni'n girls singles Under-13, U15 leh U17-ah te final a lut vek thei a, U17-ah chiah gold a la thung.