Hliam ngah PSG an buai lo

Ligue 1-ah champion lai PSG-in Le Harve 3-0 in an sawp a, Luis Enrique hote tan Lee Kang-in, Joao Neves leh Bradley Barcola ten an khung. PSG hian hliam vangin Achraf Hakimi, Desire Doue leh Ousmane Dembele chhawr thei lo mah se an buai phah lo.

Enrique-a hote hian Ligue 1 match 13 aṭangin point 30 an hmu a, anmahni hnaih bertu Marseille aiin point hnih chauhin a hmu tam. Marseille hian Inrinni zan khan Nice 5-1 in an sawp a, Manchester United forward hlui Mason Greenwood-a'n goal hnih khungin Arsenal striker hlui Pierre-Emerick Aubameyang-a'n goal hmahruai a khung.

PSG hian November 26, Nilaini hian Champions League-ah Tottenham an mikhual dawn a, Enrique-a hote hi champion lai niin match li khelh tawhah vawi thum an chak a, vawi khat an chak lo thung.