Adelaide International-ah Djokovic

Tennis season tharah a vawi khat nan Adelaide International khelh a ni dawn a, world number 2 Novak Djokovic chu he inelnaah hian inlan a tum - Australian Open inbuatsaih nan a hmang dawn tihna a ni.

Inelna hi kum thar January 12-18 chhunga khelh a ni dawn, hard court inelna a nih avangin Australian Open nomawi a kawl lai humhim tura inbuatsaihna ṭha tak a nih ngei a rinawm. Tournament director Alistair MacDonald chuan, "Player langsar tak tak an rawn inlan dawn a, an zinga mipui ngaihven hlawh bik tur zingah Novak Djokovic a tel," tiin a sawi.

Serbian tlangval bakah hian hmeichhe player langsar Venus Williams, Ashleigh Barty, Simona Halep, Petra Kvitova leh Kiki Bertens te pawh an inlan dawn bawk.