Armed Veng South an thiam ber

ADFA II Division League 2025/26-ah nimin khan Armed Veng South-in final-ah Zonuam club JES FC chu 5-1 a hnehin an champion. AVS tan Lalramtluanga'n goal li a khung bakah John F. Malsawmtluanga'n goal khat a khung bawk.

Chite Veng Playground-a inkhelah hian Armed Veng South-in inkhel an thunun a, Zonuam tana K. Lalrintuanga goal khung chu score line tilang mawitu chauh a ni. ADFA buatsaih inelna hi Mizoram Building and Other Construction Workers Welfare Board (MBOCWWB) in an sponsor.

Zonuam club hi chak zo lo mah se an player pawimawh Lalhmangaiha chu best player-a thlan a ni a, FC Thakthing Veng tana goal 10 khungtu K. Lalroluahpuia chu top scorer a ni.