UCL Thlirna Tawi

UEFA Champions League chu zanin hian khelh chhunzawm a ni dawn. Galatasaray striker Victor Osimhen-a'n match thum lekah goal ruk khung tawhin a la khung tawh ber a, goal khung thei langsar Kylian Mbappe, Erling Haaland leh Harry Kane te aiin goal khatin a khung tam zawk.

Ṭhiante goal khung tur siamsak kawngah Dominik Szoboszlai (Liverpool), Pierre-Emerick Aubameyang (Marseille), Achraf Hakimi (Paris Saint-Germain) leh Tijjani Reijnders (Manchester City) ten vawi thum ṭheuh assist an nei tawh a ni.