Liverpool Club World Cup Squad an puang

European champion nih vanga FIFA Club World Cup khel tur Liverpool-in CWC atan an squad an puang a, League Cup quarterfinal an khelhpui tur Aston Villa tan rimawi a tling ang. 

Reds hian darkar 24 chhunga League Cup leh CWC an khelh avangin squad pahnih an neih a ngai dawn a, Doha-a khelh tur Club World Cup atan an squad ṭha zawk an hruai dawn. 

Qatar-a zin tur Liverpool player zingah rawlthar Rhian Brewster, Harvey Elliott, Neco Williams leh Curtis Jones te pawh an tel a, Under 23 coach Neil Critchley hoa Villa hmachhawn tur Reds squad an nau dawn hle tihna a ni. 

Club World Cup hi December 11-ah khelh ṭan tur a ni dawn a, Liverpool erawh semifinal aṭanga inlan ṭanin December 18-ah an inkhel ve dawn chauh - December 21-ah final emaw pathumna inchuhna match an khel leh ang.