Valencia dinhmun a ṭha

Thawhlehni zan khan Spanish Copa del Rey round of 32 first leg khelh a ni a, Valencia chuan an mikhual Leganes lakah 3-1 a hnehna changin last 16 lut turin an dinhmun a ṭha tawh hle.

October 16 hnuah Valen-cia hian league match-ah hnehna an la chang leh lo a, cup inel-naah erawh an kaltluang rih. Inkhel ṭan aṭanga mi-nute thumna lekah Munir El Haddadi chuan goal hmahruai khungin Alvaro Medran chuan an goal hnihna a tauh lut ve bawk.

Leganes hian league lama an hnuaia awm Valencia laka an siphurh hi Darwin Machis hmang-in sut mah se Zaka-ria Bakkali chuan hun tawp hma chiahin an goal thumna a khung.

Inkhel dangah Es-panyol chuan hun tawp dawnah an siphurh sutin second division club Alcorcon nen 1-1 in an in-hnehtawk a; Eibar chuan2-1 in Sporting Gijon an hneh ve thung.