RVL hmaah Tlangnuam an zawr

Mahuma Memorial Cricket Tournament khelh mekah nimin khan Ramhlun Venglai chuan wicket riatin Tlangnuam an hneh. Tlangnuam tan Laldinthara chuan run 52 zet vaw chhuak mah se an batsman hmasa panga ten run sarih bak tlin loa an out vek avangin target sang an tuk thei lo a, over 28.5-ah run 110 siamin an out vek.

Ramhlun Venglai in an target 111 umin har-sat-na an tawk lova, K. Vanlalruata (42 runs) leh Lalchhuanliana (31 runs) te an chet ṭhat avangin over 23-ah an target umpha a wicket hnih chiah hlohin hnehna an chang ta a ni. Vawiin chawhma dar 9:15 hian Chhinga Veng leh Kulikawn te an inhmachhawn ve leh ang.