Cavaliers an chak lo

NBA champion Cleveland Cavaliers chu nimin zing khan Mil-waukee Bucks lakah 118-101 in an tlawm. LeBron James khelhna Cavaliers hi regular season kal meka an vawi thum chak lohna chiah a ni.

Harris Bradley Cen-ter-a inkhelah Cavaliers-in bul an ṭan fuh zawk a, quarter hmasa berah 32-30 in hma an hruai. Mahse, Tyronn Lue naute hi quarter hnihna leh thumnaah an hnufual zawk a, a tawpah thapui thawh leh mah se an lehthal zo tawh lo.

Milwaukee Bucks-in tun season-a a vawi riat nana hnehna an chan theih nan hian Giannis Antetokounmpo chu a changtupa a ni. Greek guard hian point 34 a score bakah rebounds vawi 12 lain assist vawi nga a nei bawk. Ani bakah hian Jabardi Parkar (18 points) leh Malcolm Beasley (17) te an cheṭha bawk.

Cavs tan hian a dan pangngaiin James chuan a thawhhlawk leh ber. American forward hian court chhungah minute 32 hun a hman chhungin point 22 a neih bakah rebounds vawi li a la bawk. Ani bakah hian Kyrie Irving chuan point 20 a nei ve bawk.

Cavaliers hian Zir-tawpni zing dar 6:00-ah Los Angeles Clippers an hmachhawn leh ang a, Bucks hian Brooklyn Nets an hmachhawn ve leh bawk ang.