Thla hnih chawl tur Connor Wickham

Crystal Palace striker Connor Wickham chu a khup zai a nih dawn avangin thla hnih chhung a inkhel thei dawn lo. Kartawp Premier League inkhelah Crystal Palace-in 5-4 a Swansea City an hneh ṭuma inhliam Wickham hian tun season-ah a club tan league match riat a khel tawh.

Eagles (Crystal Palace sawina) chuan thuchhuah siamin, "MRI tih a nih hnuah a khup zai a ngai tih hriat a ni a, club lam chuan a rang thei ang bera a dam thuai theih nan duhsakna kan hlan," an ti.

League table mawng lama tal-buai mek Crystal Palace hian point 11 chiah an la hmu a, relegation zone-a awm Hull City nen an point hmuh zat a inang - Inrinni zanah Southampton an lo mikhual ang.