Monaco an chelh

Thawhlehni zan French Ligue 1 inkhelah AS Monaco chu an mi-khualna ramah Dijon nen 1-1 in an inhnehtawk. Inel-na hrang hrangah a zawnin match kua chhung chu chak loh an nei tawh lo.

Leonardo Jardim-a naute hian minute 17-naa Guido Carrillo goal hmanga hma an hruaina chu Dijon hian second half-ah Frederic Sammaritano hmangin an sut a, point khat ve ve an hmu. Monaco hian tun season Ligue 1-ah bik goal 44 zet an khung tawh a, anni aia khung tam an awm lo.

Monaco hian match 15 khelh tawh aṭangin point 33 an hmu a, league table-ah hmahruaitu an ni mek. An hnuai chiaha awm Nice nen an point a inzat a, pathumna Paris Saint-Germain aia an sanna chu point khat chiah a ni bawk.

Inkhel dangah Lille chuan relegation zone chhuahsan turin Caen chu 4-2 in an hneh a, Lorient chuan 2-1 in Rennes an hneh ve bawk.