Mizoram TT team ten bronze medal la

Ultimate Table Tennis 81st Junior and Youth National & Inter-State khelh laiah Mizoram Table Tennis team chuan junior boys leh youth boys huangah bronze medal an la.

New Multipurpose Hall, MA Stadium, Jammu-a inelna neihah junior boys team-ah hian Jeho Himnakulhpuingheta, Alberto LR Ruata, Thangsiansanga leh H Lalruatsanga te an khel a, semifinal-ah Gujarat an ngam lo. 

Youth Boys Team-ah hian Jeho Himnakulhpuingheta, Alberto LR Ruata, John Zamliana leh Thangsiansanga te an inlan bawk a, mahse he huangah pawh hian final an lut zo lo. Telangana ngam loin semifinal-ah an zinkawng a tawp ve bawk.

Table Tennis Federation of India hnuaiah hian season tluanin national huap inelna a awm a, tun ṭuma mi hi inelna ngaihhlut niin ranking point pawh a sanna ber a ni.