Agent hlawhah club inseng hnem

Football khawvela thuneitu sang ber FIFA-in an puan danin kum 2019-a football agent ho hlawh atana sum sen zat chu pound maktaduai 501 a tling a, European top five league club ten an seng hnem fal hle.

FIFA-in a tarlan dan chuan khawvel puma agent hlawh atana sum sen zat 80% hi European top five league awmna ram Italy, England, Germany, Spain leh France bakah Portugal-in an thawh a ni. 

Zirchianna aṭanga a lan dan chuan kumin chhungin Portuguese club ten player lei nana sum an sen aiin agent hlawha an insen a tam zawk! Kumin kumtir khan FIFA chuan football khawvela agent hlawh pung nasa lutuk ti tawp tur hian hma a lo la tawh a, agent hlawh theih chin an bi tuk - an hmalakna langsarah chuan player hralhtu agent-te chuan transfer fee aṭanga 10% bak an hlep theih loh dan a awm a ni.