Kolasib leh Hlimen-in semifinal lut

Mizoram Taekwondo Association buatsaih Taekwondo Fight League khelh mekah Nilaini zan khan Kolasib Fighter leh CMTC Hlimen Roller ten semifinal an lut.

Electric Veng YMA Hall-a inkhel hmasa zawk-ah Kolasib hian Armed Veng Warrior
lakah 42-40 in hnehna an chang a, hnehna an chan theih nana player pawimawh Lalfamkima, Kolasib chu Fighter of the Night atan thlan a ni.

Inkhel hnuhnung zawkah Hlimen chu Zopa Goldsmith Chawnpui lakah 23-21 in chak lo zawk mah se inkhel hmasa tawh lama an point hmuh nen belhkhawm a nih avangin Hlimen-in semifinal an lut.

TFL hi Inrinni zanah khelh chhunzawm leh a ni dawn a, Republic Vengthlang Fighter leh ATA Electric Veng Fighter te an inkhelh hnuah
Ramhlun Sporting Club leh Dinthar Fighter
te an innuai chhunzawm ve leh bawk ang.

Team Dinhmun

Group A

# Team Pld W D L Pts League Pts

1 Kolasib 3 2 0 1 117 6

2 Armed Veng 3 1 0 2 94 3

3 Ramhlun 2 1 0 1 76 3

3 Dinthar 2 1 0 1 62 3

Group B

# Team Pld W D L Pts League Pts

1 Hlimen 3 2 0 1 83 6

2 Zopa 3 1 0 2 84 3

3 ATA 2 1 0 1 80 3

4 Republic 2 1 0 1 62 3